Kjo me poshte eshte nje pergjigje qe mora sot ndaj shkrimit tim per “desktopizmin” - dhe te them te drejten fakti qe edhe pas 5 muajsh nga shkrimi ka akoma komente, tregon qe, per mire a per keq, kam prekur nje tel diku.

Nga ss_leibstandarte:
04/04/2007 ora 2:50 pm

i dashur Erjon
ne banken e Shqiperise eshte e vertete qe ka ca AUBG-ista dhe jane te gjithe keshtu te zote dhe zgjuar si puna jote.
ne rradhe te pare te falenderojme per kohen dhe deshiren qe ke pasur per tu thelluar ne plotesimin e standarteve te web-it nga faqja zyrtare e bankes.
Profesionalisht nuk besoj qe ca nga keto te meta qe ke permendur dhe te tjera qe nuk i ke mesuar akoma nuk dihen dhe njihen nga stafi i IT i bankes se Shqiperise.
Sikurse do ta mesosh kur te rritesh, ne jete behen ca kompromise, Banka ne fazen e pare kerkonte nje firme shqiptare qe me nje fond te limituar te realizonte nje content management per nevojat e saj, ne disa raste keto kerkesa ishin specifike. Duhet te kesh parasysh qe gjithe dokumentacioni tashme ruhet ne nje databaze te perqenduar, mund te azhornohet nga shume perdorues jo IT brenda bankes duke ndjekur nje proces te plote deri ne momentin e publikimit.
Nderkohe qe i dashur ne fazen tjeter te zhvillimit te sistemit besoj se ca nga ato te meta si indeksimi ne motoret e kerkimit apo ruajtja e informacionit URL gjate pozicionimit ne faqe do jene te realizuara.
Shpresoj qe ti dhe teta Ollga te keni durim deri atehere i dashur.
Pershendetje

Si fillim, dua t’ju kerkoj falje qe po e perseris kete teme, por me c’po kuptoj une ka ca nevoje per sqarime qe te mos kacafytemi kot per fjalet dhe shembujt, kur problemi kryesor eshte tjeter gje. Nuk kam asgje me Banken e Shqiperise, as me Vodafonin, dhe me asnje tjeter nga sitet e permendura ne artikull. Per sa kohe qe ata qe i kane keto faqe ndihen te kenaqur me to, kush jam une qe te gjykoj? Thjesht nje perdorues - nje nga ata qe hyjne, perdorin, shohin qe faqja nuk perdoret lehte, dhe ikin e harrojne. Dhe pikerisht ketu lind problemi qe une shpresoj te shoh te zgjidhur. Me vjen keq qe fjalet e mia jane marre ne menyre kaq personale nga nje lexues brenda Bankes se Shqiperise, me vjen me keq qe ka zgjedhur te qendroje anonim, dhe akoma me keq qe argumentat ne mbrojtje te faqes jane piperosur me ironi dhe sarkazem personale ndaj meje. Hej, mik i panjohur, nuk ka pse fshihesh pas pseudonimit - jemi ne te njejten ane te punes, thjesht une po marr guximin e paturpesise qe te sugjeroj dicka me te mire se ajo qe kemi deri tani. Jo per ty, jo per Banken, jo per Vodafonin, por per te gjithe ne qe ulemi cdo dite para tastjeres ne kete profesion qe dashurojme. Ti e pranon dhe vete qe keto mangesi ekzistojne dhe qe do rregullohen ne versionin tjeter - atehere pse me hidhesh mua, qe thjesht po them te verteten? Pse e ke marre si personale kete gje?

Persa i takon zgjuarsise se AUBG-isteve, te me falin miqte e mi te AUBG qe po flas edhe ne emer te tyre: ndoshta nuk jemi te zgjuar, dhe sigurisht nuk e mbajme veten per me te zgjuar se te tjeret, por te pakten kemi kurajon ta themi hapur ate qe mendojme, sepse jane te pakte ata nga ne qe kane frike nga e nesermja, nga te gjendurit nje dite ne mes te rruges, pa pune. Per dreq a per fat, kemi qelluar njerez qe dime t’ia hapim dyert vetes edhe aty ku na i mbyllin ne fytyre, dhe qe kemi aq kurajo sa te largohemi vete nga nje pune qe nuk na pershtatet me endrrat tona.

Ehhh keto fjalite qe mbarojne me “…kur te rritesh”. Per mua njeriu nuk mbaron kurre se rrituri, dhe kjo gjendja statike qe arrin “kur rritesh” se si me duket, si ngrirje a ngurosje. Aq me teper ne kete fushe ku punojme dhe qe ndryshon kaq shpejt. Nejse, nuk ka rendesi kjo. Rendesi ka qe i njoh dhe i perdor ca nga modelet e zhvillimit te software, qe kam punuar per arkitekturen e disa nga websiteve me te vizituara shqiptare dhe te disa organizmave nderkombetare dhe OJF ne Shqiperi (dhe qe perfshijne content management systems me te pakten po aq aftesi sa ai i Bankes). Po ashtu e di se duhen bere kompromise (sepse bej perdite kompromise me klientet e mi), dhe qe ne fund te fundit buxheti percakton shume gjera, aq me teper ne Shqiperi, ku klienti nuk thote “Me duhet kjo gje, sa kushton”, por “Kam x leke, dhe me duhet kjo gje - e ben apo jo”. Kaloj dy-tre ore cdo dite duke lexuar e shkruar neper mailing lista te webdesignit e programimit dhe e di qe nese nuk mesoj nga ato lista, programi im i ardhshem mund te merret si shembull ne ndonje blog njelloj sic mora une faqen e Bankes. Jam i interesuar ne praktikat e Semantic Web, Web Standards/WAI dhe per teknikat e Mikroformateve dhe Metaprogramimit dhe mundohem ti perdor ato ne punen qe bej. Prandaj mik i dashur, zbrit nga ai kolltuku prej ku me sheh mua si vocerrak, dhe eja te pime nje gote vere bashke. Po te flas sinqerisht, dhe pa percmim, edhe per punen e veres e kam seriozisht - sepse nuk je i vetmi njeri qe me ka pare shtrember ne idete e mia, dhe nuk do jesh as i fundit. Nuk kam gje kunder teje, as kunder bankes ku ti punon, dhe as kunder kujtdo qe ka programuar faqen tuaj. Madje firma qe e ka bere duhet pergezuar per kurajon qe ka marre persiper te ndertoje nje faqe banke, duke perballur kerkesa te shumta, burokraci shteterore, dhe fonde te pakta. U heq kapelen per dicka qe une personalisht nuk do kisha durim ta beja, sepse kam punuar 3 vjet ne shtet dhe e njoh burokracine dhe ngadalesine e punes. Me blogun tim dua t’u tregoj studenteve, lexuesve te mi, njerezve te thjeshte qe nuk e kane idene se si punohet ne kete zanatin tone, se ka ca gjera qe nuk ti meson asnje universitet, as U.T. dhe as AUBG, dhe se programimi nuk eshte te blesh nje Dreamweaver a Visual Studio te piratuar dhe te ulesh e te punosh nate e dite mbi te duke lexuar tutorialet ne Internet. Po mundohem tu tregoj se pertej punes per te bere kompjuterin te te bindet dhe te beje ate qe do ti, ka dhe dicka shume me te veshtire - te besh perdoruesin te ndihet rehat ne ate pune qe ke bere. Sepse per perdoruesin e thjeshte, puna qe bejme ne eshte shpesh here si kepuca e re: e bukur, por vetem pasi klienti e paguan dhe e mban ca dite veshur e kupton se sa te ben me kallo.

Peace bro!
Erion.